يا حبيبى يا محمد
ياللى بعتك ربنا لجل انقاذ البشر
ياللى كان بيلين ويطرى..
تحت خطويك الحجر
يا كنت الليل تقوم..
والنهار تمشى عشان نور الهدايه ينتشر
يا حبيبى يا محمد
ياللى قلبك كان حزين
والدموع الغاليه كانت نهر جارى ف سجدتك
وانت مش مشغول بنفسك
لاء بتدعى لامتك
يا حبيبى يا محمد
جيت يا اغلى الخلق رحمه للقلوب
من ضلام عشش على كل الدروب
لجل تربطها بخالقها العظيم
هو وحده اللى غافر للذنوب
يا حبيبى يا محمد
من ليونة قلبك الطاهر لقيت
كل اصناف العذاب
اللى القاك بالحجاره..
واللى عفر بالتراب
واللى كان وكان وكان
كلها كانت قلوب عاميه ومسكونه بخراب
وانت همك عمره ما كان هم شخصى
ياما قالوا فيك كتير ولسه فيه
اى حاقد..
اى ناقد ..
اى كافر او سفيه
لكن النور المنور بالهدايه
لسه راح يعلى ويعلى وينتشر
جى يوم كلنا ومن تحت رايه
رايتك انت يا امام كل البشر
راح يشفوا ازاى لسانهم الطويل
راح ينقطع..
راح ينبتر
ياللى بعتك ربنا لجل انقاذ البشر
ياللى كان بيلين ويطرى..
تحت خطويك الحجر
يا كنت الليل تقوم..
والنهار تمشى عشان نور الهدايه ينتشر
يا حبيبى يا محمد
ياللى قلبك كان حزين
والدموع الغاليه كانت نهر جارى ف سجدتك
وانت مش مشغول بنفسك
لاء بتدعى لامتك
يا حبيبى يا محمد
جيت يا اغلى الخلق رحمه للقلوب
من ضلام عشش على كل الدروب
لجل تربطها بخالقها العظيم
هو وحده اللى غافر للذنوب
يا حبيبى يا محمد
من ليونة قلبك الطاهر لقيت
كل اصناف العذاب
اللى القاك بالحجاره..
واللى عفر بالتراب
واللى كان وكان وكان
كلها كانت قلوب عاميه ومسكونه بخراب
وانت همك عمره ما كان هم شخصى
ياما قالوا فيك كتير ولسه فيه
اى حاقد..
اى ناقد ..
اى كافر او سفيه
لكن النور المنور بالهدايه
لسه راح يعلى ويعلى وينتشر
جى يوم كلنا ومن تحت رايه
رايتك انت يا امام كل البشر
راح يشفوا ازاى لسانهم الطويل
راح ينقطع..
راح ينبتر
